البحث عن خرم ابره

اولا عايز اوضح شي مهم جدا ، هو اني متفق فعلا معاكم في ان المشكلة مش في المدونين و لكن في العالم الخارجي اللي بنعيش فيه

بس انا عايز اوضح شي مهم قوي ، هو اننا عايزين نتكالم سوي علشان نوصل لحل في الموضوع ده

وبما ان الناس كلها اجمعت علي ان المشكلة في العالم التاني

ياريت بقي اصدقائي الاعزاء يسعدوني في تحديد اهم النقاط اللي بنختلف فيها مع العالم الخارجي الرجعي جدا في وجهة نظري

انا بما اني ليبرالي علماني شايف ان اكبر مشكلة بنعاني منها هي الاستماع للاخر سواء كان الاخر ده مشكلته هوية جنسيه او فكرية او دينيه المجتمع رافضها

ياريت تشاركوني الراي و نتكالم سوي عن المشال مشكلة مشكلة

مستني رايكم و اختياركم لاول موضوع تحبوا اننا ننقاشه سوي

ياتري تفضلوا نتكلم عن الهوية الجنسه و لا الفكريه و لا الدينيه

مستني رايكم بفارغ الصبر للبحث عن خرم ابره للحوار مع العالم الاخر

تحياتي

معا نحو الليبرالية

اسوء شي في مجتمعنا المصري انه مجتمع مدعي .. بمعني انه بيدعي صفات ليست فيه، اهم صفه بيدعيها و هي مش موجوده اساسا عنده هي صفة الحرية و الليبراليه .

علشان كده انا هكتب هنا و هنفتح سوي ملفات الليبرالية في مجتمعنا يمكن نوصل سوي لحل في اللي احنا فيه من قمع فكري و ثقافي و نفسي و مش هقول سياسي لاني هاهتم هنا بالامور الاجتماعيه اكتر من السياسية .

معاكم هنبدا و بيكم هنوصل لحلول في كل مشاكلنا .. شاركوني الرأي علشان نوصل سوي لمجتمع بيقبل الراي و الراي الاخر حتي لو كان الاخر ده غلط .